Zamboanga RTC, hinatulan ang dalawang opisyal ng Silverion Livestock Trading Corporation sa kasong money laundering kaugnay ng ilegal investment solicitation

Hinatulan ng Regional Trial Court (RTC) ng Zamboanga City ang dalawang opisyal ng Silverion Livestock Trading Corporation sa kasong money laundering na may kaugnayan sa iligal na investment solicitation. Batay sa desisyon ng korte, napatunayang nag-alok ang mga akusado ng investment contracts nang walang kinakailangang lisensya, sa kabila ng nakasaad na limitadong operasyon ng kumpanya sa kalakalan ng karne at frozen products. Lumabas sa imbestigasyon na ginamit ang pangakong mataas na kita upang makahikayat ng mga investor. Ayon sa Anti-Money Laundering Council (AMLC) at Securities and Exchange Commission (SEC), umabot sa humigit-kumulang ₱17 milyon ang nalikom mula sa naturang mga transaksyon. Pinatawan ang mga akusado ng 4 hanggang 6 na taong pagkakakulong at multang ₱1.5 milyon bawat isa.

NEWS