DepEd inilunsad ang Project LIGTAS+ para sa real-time monitoring ng mga paaralan tuwing may kalamidad

Inilunsad ng Department of Education (DepEd) ang Project LIGTAS+, isang digital platform na magbibigay ng real-time monitoring at risk assessment sa mga paaralan tuwing may kalamidad. Layunin ng sistema na matukoy kung aling mga paaralan ang direktang apektado ng sakuna upang maiwasan ang malawakang suspensyon ng klase at mapanatili ang tuloy-tuloy na pag-aaral. Gumagamit ang platform ng satellite imagery, geospatial analytics, at historical hazard data para sa flood monitoring, earthquake assessment, volcanic activity tracking, at weather forecasting. Ayon sa DepEd, makatutulong din ang Project LIGTAS+ sa disaster response, school safety planning, at pagdedesisyon ng mga lokal na opisyal sa panahon ng sakuna.

NEWS