DA, Pinag-aaralan ang Paggamit ng Onion Leaves upang mapakinabangan ang agicultural waste at mapataas ang kita ng mga magsasaka

Pinag-aaralan ng Department of Agriculture (DA) ang paggamit ng onion leaves bilang hilaw na materyal para sa mga produktong pagkain upang mapakinabangan ang agricultural waste at mapataas ang kita ng mga magsasaka. Ayon sa Bureau of Agricultural Research (BAR), kabilang sa mga produktong maaaring gawin mula sa onion leaves ang dried onion leaves (para sa tea o ingredients), powdered seasoning, pickled onion leaves, onion leaf extract (juice o puree), at vacuum-fried products (garnish o snack). Isinasagawa ang pag-aaral kasama ang University of the Philippines Los Baños (UPLB), kung saan sinusuri ang tamang paraan ng pagproseso tulad ng sun drying, conventional drying, freeze drying, at vacuum drying upang mapanatili ang kalidad ng produkto. Bahagi rin ng pananaliksik ang pagtiyak sa kaligtasan ng hilaw na materyal, kabilang ang pagsusuri at pagbabawas ng posibleng pesticide residues bago ito iproseso.

NEWS